Успешно заврши EBEC 2016!

Објавено: февруари 2016


По долгите подготовки и големата посветеност на организаторите, официјалното отворање, форумската расправа и двата натпреварувачки денови, EBEC инженерскиот натпревар за 2016 година имаше успешен крај. Со задоволство ви ги претставуваме победничките тимови од двете натпреварувачки категории: Во категоријата Case Study победи тимот IEEE - Fantastic four. Им честитаме на Ивона Ристова, Гоце Симоновски, Мими Прочкова и Антонио Филипоски. Во категоријата Team Design од вториот натпреварувачки ден на EBEC, победи тимот R2D2 составен од натпреварувачите Стефан Алексовски, Марјана Петковска, Столе Јовановски и Надежда Аврамовска.

На двата тима им посакуваме многу среќа и успех на регионалниот EBEC натпревар кој ќе се одржи во Подгорица.

Кратка сумација од најдобрите моменти на EBEC 2016 можете да погледнете на следниов линк.






Case Study & Team Design - Два возбудливи натпреварувачки денови

Објавено: февруари 2016


На 17 февруари започна натпреварувањето во првата категоријата на EBEC - Case Study.

Тимови кои се натпреваруваа во Case Study беа: Cimeri, IEEE - Fantastic Four, Noe и Shannon. Овогодинешниот теоретски проблем "Skopje Reborn", претставуваше голем предизвик за натпреварувачите, но и за жирито кое по 15 минутните презентации на секој од тимовите требаше да одлучи кој ќе е победникот во оваа категорија.

Следниот ден тимовите Kompir Co, Glen Coco, IEEE и R2D2 се натпреваруваа во категоријата Team Design.

Голема благодарност до жирито кое објективно и професионално ги оцени сите задачи, во чиј состав беа:

  • Д-р Кирил Лисичков - Пеофесор Технолошко-металуршки факултет, институт за процесно и контролно инженерство
  • Д-р Оливер Зајков - Професор при Природно математичкиот факултет, институт за физика
  • Доц. Д-р. Дивна Пенчиќ - Професор при Архитектонски факултет Скопје
  • Андреј Апостолски - Претставник од Habitat for Humanity Macedonia



Официјално отворање и форумска расправа

Објавено: февруари 2016



Официјалното отворање на EBEC 2016 беше одбележано со обраќањето на претседателот на БЕСТ Скопје, продеканот на наука Александар Ристески при Факултетот за електротехника и информациски технологии (ФЕИТ) и главните координатори на настанот.

Потоа се одржа форумската расправа на тема ‚‚Како до проактивен кадар?” за која фасцилитатор беше Стефан Серафимоски, активен член на БЕСТ Скопје. Во форумската расправа се вклучија студенти од техничките факултети како и претставници од компании.




Агенда за EBEC 2016

Објавено: февруари 2016

16 ФЕВРУАРИ – ФОРУМСКА РАСПРАВА

Место на одржување: конгресна сала на ФЕИТ/МФС

  • 10:00 - официјално отвoрање
  • 10:30 - коктел
  • 11:00 - форумска расправа на тема:
    „Како до проактивен кадар?"

17 ФЕВРУАРИ – CASE STUDY

Место на одржување: читална на ФЕИТ/МФС
Почеток на натпреварот: 10:00 часот

18 ФЕВРУАРИ – TEAM DESIGN

Место на одржување: читална на ФЕИТ/МФС
Почеток на натпреварот: 10:00 часот


Темите за натпреварувачките категории ќе бидат соопштени пред почетокот на самиот натпревар.






Уште само пет дена до почетокот на EBEC!

Објавено: февруари 2016



Со голема возбуда ви најавуваме дека во тек се последните подготовки за најголемиот инжењерски натпревар во Европа, што ќе се одржи во период од 16-ти до 18-ти февруари во просториите на Факултетот за електротехника и информациски технологии (ФЕИТ).

  • На 16ти февруари следува форумска расправа и свечено отварање кои ќе се одржат во конгресната сала на ФЕИТ.
  • На 17ти и 18ти февруари има натпреварување во две категории - Case Study и Team Design. Натпреварите ќе се одвиваат во читалната на ФЕИТ.

За натпеварувачките категории подетално можете да прочитате во делот За натпреварот.

Не дозволувајте други да ви раскажуваат за ова неповторливо искуство, пријавете се и учествувајте! Бидете подготвени за многу тимска работа, аналитичко размислување, решавање инжењерски проблеми и секако, многу забава!

Се гледаме!





Имате прашања за EBEC 2016? Посетете нè на информативните штандови!

Објавено: февруари 2016

Ако сè уште размислувате дали да се пријавите на EBEC 2016 или пак сакате да дознаете нешто повеќе за натпреварот, тогаш не ја пропуштајте можноста за тоа на кампусот на Техничките факултети, како и на Градежниот и Архитектонскиот факултет. Штандовите ќе бидат поставени во период од 10:00 – 14:00 часот на 10-ти и 11-ти февруари, а БЕСТовците со задоволство ќе ви објаснат и раскажат сè што ве интересира за EBEC.

Крајниот рок за аплицирање е сабота, 13.02.2016 до 23:00 часот.

Побрзајте!




Подгответе се за EBEC 2016!

Објавено: јануари 2016

БЕСТ Скопје со задоволство ви го најавува седмото издание на EBEC Skopje.

Оваа година под слоганот “Awaken the engineer within”, бидете и вие дел од овој познат инженерски натпревар на кој ве очекуваат три возбудливи и незаборавни денови. Првиот ден ќе биде проследен со форусмка расправа, а останатите два дена се од натпреварувачки карактер во две категории: Case study и Team design.

Ве охрабруваме да се пријавите и да учествувате на натпреварот на кој ќе ги покажете вашите инженерски вештини, ќе го почувствувате тимскиот дух и ќе добиете едно ново искуство од студентскиот живот. Победниците од двете натпреварувачки категории ќе продолжат на регионално ниво во Подгорица, Црна Гора. Затоа разбудете го инженерот во себе и влезете во трката за победници за овогодинешното издание!

Ве очекуваме!


Успешно заврши EBEC Скопје 2015!

Објавено: февруари 2015

После неколку месечните припреми, официјалното отворање и форумската расправа, и двата натпреварувачки денови, EBEC инженерскиот натпревар успешно заврши. Ги имаме двата победнички тимови кои ќе продолжат на регионално ниво во Белград и тоа: во категоријата Case Study победи тимот Eclipse кој го сочинуваат натпреварувачите Дејан Божиновски, Ѓорѓи Јанчески, Филип Давковски и Надежда Аврамовска, а додека во категоријата Case Study победи тимот Clockwork Orange кој се состои од Митко Милошев,Александар Старделов, Ема Василевска, Александар Митиќ.


Тимот Eclipse победници во категоријата Case Study

Тимот Clockwork Orange победници во категоријата Team Design

На двата тима им посакуваме успех на регионално ниво кое ќе се одржи од 9ти до 11ти мај во Белград, па и на европско ниво во Порто.



EBEC Skopje 2015

Објавено: декември 2014

БЕСТ Скопје ви го најавува шестото издание на овогодинешниот EBEC Скопје кој ќе се одржи во реномираната кoмпанија Endava.

Овој пат под слоганот – Solve the puzzle, be a part of EBEC, не очекуваат 3 возбудливи денови, каде на првиот ден ќе имаме форумска расправа, останатите два се натпреварувачки денови во две категории: Case study и Team design.

Ве охрабруваме да се пријавите и да земете дел од овој добро познат Инженерски натпревар, да научите нешто ново, да добиете едно ново искуство од студентскиот живот и да влезете во трката за победници за овогодинешното издание. Победниците од двата натпреварувачки денови ќе продолжат на регионално ниво, така да ова ви е одлична шанса to live long and prosper. Ве очекуваме!



EBEC Balkan 2014

Објавено: јуни 2014

БЕСТ Скопје заедно со тимот составен од Филип Божиновски, Никола Анѓелковиќ, Сашо Јадровски и Кристина Блажевска ја испишуваат историјата на Инженерскиот Натпревар. По втор пат тимот од Скопје, со освено прво место на регионалниот натпревар во Ниш во категоријата Case Study, тимот Fast Forward ја има честа да ги брани боите на LBG Skopje на финалниот натпревар во Рига, Латвија ова лето.

Настанот ќе се одржи во периодот измеѓу 1-9 Август и нашите најдобри ќе се обидат и по трет пат да бидат прогласени за победници.

БЕСТ Скопје им честита за победата и им посакува многу среќа и успех на финалниот натпревар.